Loksins lækkun

Það pirrar mig alltaf jafn mikið þegar olíufélögin fylgjast grannt með hækkununum á heimsmarkaðsverði, en þegar loks kemur til lækkunar, koma þeir alveg af fjöllum.

 

http://www.gsmbensin.is - guði sé lof!

Olíuverð á niðurleið

Forgangsakreinin við Lækjargötu

Mér finnst forgangsakreinin við Lækjargötu vera tilgangslaus á öðrum dögum en um helgar, þar sem það er mjög oft mikil umferð þá um Lækjar- og Tjarnargötuna - og þá nægir ekki ein akrein. Mér finnst frekar heimskulegt að banna það að keyra á þessari forgangsakrein á virkum dögum þegar hún er í flestum tilvikum auð, nema á vissum álagspunktum, eins og t.d. á morgnanna, í lok vinnudags og um helgar. Ég hef samt oft tekið leigubíl þarna um helgar og hann hefur aldrei teppst út af umferð. Spurning bara hvort þessi forgangsakrein sé bara einfaldlega ónauðsynleg og ætti bara að vera breytt aftur í venjulega akrein?

Forgangsakreinar fyrir strætó og leigubíla ekki til í lögum

Fáráðlingur

Mér vekur spurn hvaða fáráðlingur skrifaði þessa frétt?

Ekki er nóg með að efni þessarar færslu sé alveg út í hött, heldur notar blaðamaðurinn einnig latínu (sbr. "nota bene") á ÍSLENSKUM fréttavef. Þetta er ekki frétta- eða blaðamennska, þetta er rusl!

Svipað og fréttin þar sem bloggari skrifaði um að honum finndist Birgitta Haukdal vera óþarflega gul í Laugardagslögunum. Þetta er bara hundleiðinlegt og ófréttnæmt efni. Það er verulega skrítin þróun þegar blaðamenn eru farnir að skrifa fréttir út frá því sem er bloggað um fréttir.

Enn og aftur, rusl.

Ég er þess fylgjandi að Mogginn sýni hver hafi skrifað Moggafréttir, líkt og er gert við fréttir frá 24 sem eru birtar á mbl.is. Bara svo við getum gert grín að þeim sem skrifaði fyrri fréttina - jafn mikið og við getum gert við þann sem skrifaði Birgittu fréttina.

Ofurbloggari gleymir að minnast á Nell

Stærsti skemmtistaður í heimi?

Er mér einum um að finnast þessi fullyrðing „stærsti skemmtistaður í heimi“ vera fáránleg? Þeir segja að þetta sé út af því að netið er stærsti skemmtistaður í heimi, en samt setja þeir þessa fullyrðingu á eftir nafninu sínu? Þeir eru kannski með tengingu að netinu en NOVA er ekki stærsti skemmtistaður í heimi.

Mér finnst þetta glatað.

Nova boðar breytta tíma – öll netnotkun í farsímann